लोकशाही

स्वातंत्र्यप्राप्तीच्या ७० वर्षांनंतरदेखील मतांसाठी लावला जातो गुलाल-भंडारा आमच्या माथी,

मटनाचा अर्धवट शिजलेला तुकडा आणि रश्शाच पाणी पिऊन नेत्यांसाठी कार्यकर्ते जागतात काळ्याकुट्ट राती,

नसलेलं अवास्तव प्रेम दाखवुन आणि अस्मितांची भाषणे करून भडकवल्या जातात जाती,

असुरक्षित मतांच्या व्यवहारासाठी ओतली जातात पैशाची पोती,

या साऱ्या गोंधळात होत नाही चांगल्या उमेदवारांची स्वीकृती,

निवडुन येतात त्याच शाही अपवृत्ती,

म्हणुन प्रश्र्न पडतो; हा देश प्रामाणिक प्रचाराचा की जाती,आमीषे आणि पैसासंपत्तीच्या प्रसाराचा??

हा देश लोकशाहीचा की शाही लोकांचा??

@अमित जालिंदर शिंदे